मोरङ क्षेत्र नं,२ मा सत्ता गठबन्धनमा आवद्ध पाँच दलका नेताहरुको बैठक हिजो सोमबार सम्पन्न भएको छ।
काँग्रेस पार्टी अफिस रतुवामाई आमबारीमा छलफल कार्यक्रम संचालन भएको थियो। मंसिर ४ मा हुने निर्वाचन लक्षित छलफल कार्यक्रम क्षेत्र नम्बर २ मा पहिलो पटक भएको हो।
काँग्रेसको आन्तरिक विवादका कारण छलफल हुन सकेको थिएन। आन्तरिक बिवाद समाधान लगतै गठबन्धनको छलफल भएको हो। छलफलमा आगामी निर्वाचन केन्द्रित कार्यक्रमहरुलाई संयुक्त रुपमा संचालन गर्ने, आन्तरिक द्वन्दको अन्त्य गर्ने र काङ्ग्रेसका बागी उम्मेदवारलाई कार्वाही गर्ने लगायत बिषयमा छलफल भएको थियो। सत्ता गठबन्धनमा आवद्ध पाँच दलका नेता कार्यकर्ता सजग रहनुपर्ने प्रतिबद्ध भएर निर्वाचनलाई परिणाम मुखी बनाउन जोड दिनुपर्ने छलफलमा उपस्थित बक्ताले बताए। छलफल कार्यक्रममा बोल्दै नेपाली काङ्ग्रेसका युवा नेता रबिन राईले भने “माओवादी काङ्ग्रेस गठबन्धनमा कुनै समस्या छैन । भएका सामान्य त्रुटिहरुलाई सच्याउदै निर्वाचनलाई परिणाम मुखी बनाउपर्छ” काङ्ग्रेस पार्टीबाट बाघी उम्मेदवारी दिएका उम्मेदवारलाई कार्वाही गर्ने र पार्टीले गरेको निर्देशनलाई मनन गर्दै गठबन्धनलाई जितको बाटोमा लानुपर्ने काङ्ग्रेसी कार्यकर्ताको कर्तव्य हो। त्यसैले सबैजना भ्रममा नपर्नुहोला” गठबन्धनको साझा प्रचारप्रसार समिती चाडै बन्ने नेपाली काङ्ग्रेस रतुवामाईका नगरसभापति पोष्ट बस्नेतले जानकारी दिएका छन।
